Berlin şəhər ratuşasında Azərbaycan bəstəkarlarının melodiyaları səslənib

Berlin, 28 iyun, AZƏRTAC

Berlinin Vaysenze bələdiyyəsinin binasında Azərbaycan Respublikasının Əməkdar artisti, məşhur tarzən Sahib Paşazadənin konserti olub.

AZƏRTAC xəbər verir ki, S.Paşazadənin Vaysenze kamera orkestri müşayiət edib. Vasif Adıgözəlovun “Qərənfil”, Fikrət Əmirovun “Mən səni araram”, Sərdar Fərəcovun “Rondoletto”, Arif Məlikovun “Komdenin arzuları”, Azər Rzayevin “Düşüncə”, Həsən Rzayevin “Rapsodiya” əsərləri və “Segah” muğamı ifa edilib.

Bundan əlavə orkestr Qara Qarayevin “Yeddi gözəl” baletindən “Aişənin rəqsi”ni və “Vals”ı ifa edib.

Konsert anşlaq şəraitində keçib.

Vüqar Seyidov

AZƏRTAC-ın xüsusi müxbiri

Berlin