REGİONLAR


Beyləqanda “Heydər Əliyevin Şuşaya zəngin tarixi abidə kimi qayğısı” mövzusunda elmi-praktik konfrans keçirilib

Beyləqan, 12 aprel, AZƏRTAC

Kürdəmir Regional Mədəniyyət İdarəsinin tabeliyində fəaliyyət göstərən Beyləqan Rayon Heydər Əliyev Mərkəzində “Heydər Əliyevin Şuşaya zəngin tarixi abidə kimi qayğısı” mövzusunda elmi-praktik konfrans keçirilib.

AZƏRTAC-ın bölgə müxbiri xəbər verir ki, Şuşa sakinlərinin, ümumtəhsil məktəblərinin, peşə məktəbinin və uşaq musiqi məktəbinin müəllim və şagirdlərinin iştirak etdiyi tədbir Azərbaycanın Dövlət Himninin səsləndirilməsi ilə başlanıb. Respublikamızın ərazi bütövlüyü uğrunda şəhid olmuş Vətən övladlarının xatirəsi bir dəqiqəlik sükutla yad edilib.

Tədbirin aparıcısı tərəfindən Azərbaycanın tarixi mədəniyyət mərkəzi, Qarabağın baş tacı və hərbi-strateji əhəmiyyətə malik qədim Şuşa şəhəri haqqında ətraflı məlumat verilib. Heydər Əliyev Mərkəzinin direktoru Xəyalə Kərimova çıxış edərək, ümummilli lider Heydər Əliyevin Şuşaya diqqət və qayğısından, 2022-ci ilin ölkəmizdə “Şuşa İli” elan edilməsinin əhəmiyyətindən danışıb.

Konfransda çıxış edən Şuşa sakini Ofelya Quliyeva, tarix müəllimi Mətanət Əliyeva, peşə məktəbinin müəllimi Sənani Umudov Şuşanın Azərbaycan dövlətçiliyinin tarixindəki yerindən, qədim abidələrindən, işğalı və azad olunması tarixindən bəhs ediblər.

Tədbir musiqili proqramla davam etdirilib, “Azərbaycanın incisi Şuşa!” adlı videoçarx nümayiş olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.