REGİONLAR


Beyləqanda keçirilən futbol turnirində respublikanın müxtəlif bölgələrindən olan komandalar mübarizə aparır

Beyləqan, 23 may, AZƏRTAC

Azərbaycan Xalq Cümhuriyyətinin yaranmasının 100-cü ildönümü ilə əlaqədar Beyləqan rayonunun Bahar qəsəbəsində futbol turniri keçirilir.

AZƏRTAC-ın bölgə müxbiri xəbər verir ki, AFFA-nın dəstəyi, Beyləqan rayon Gənclər və İdman İdarəsinin və Təhsil Şöbəsinin təşkilatçılığı ilə keçirilən turnirdə respublikanın müxtəlif bölgələrindən olan 2006-2007-ci il təvəllüdlü futbolçulardan ibarət 6 komanda mübarizə aparır.

Turnirin açılış mərasimində rayon Təhsil Şöbəsinin müdiri Xuraman Rüstəmova və Bahar qəsəbə tam orta məktəbin müəllimi Nəcibə Tahirova çıxış edərək, Azərbaycan Xalq Cümhuriyyətinin yaranmasından və həyata keçirdiyi tədbirlərdən, dövlətçilik tariximizdə oynadığı roldan danışıb, futbolçulara uğurlar arzulayıblar.

Sonra yarışa start verilib. AFFA-nın təyin etdiyi hakimlər tərəfindən idarə olunan turnir mayın 25-dək davam edəcək. Turnirin qaliblərinə kubok, medal, diplom və hədiyyələr təqdim olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.