REGİONLAR


Beyləqanın Kəbirli kənd 1 nömrəli tam orta məktəbinin binası əsaslı təmir edilir

Beyləqan, 14 mart, Tahir Ağaməmmədov, AZƏRTAC

Ölkəmizdə məktəb binalarının tikintisi və əsaslı təmiri şəhərlərlə, rayon mərkəzləri ilə yanaşı, ən ucqar kəndlərdə də uğurla həyata keçirilir. Beyləqan rayonunun Kəbirli kənd 1 nömrəli tam orta məktəbinin binası da əsaslı təmir olunur.

AZƏRTAC-ın bölgə müxbiri xəbər verir ki, Kəbirli kəndində məktəb sarıdan böyük çətinlik yaşanırdı. Bir tərəfdən məktəb binası qəzalı vəziyyətdə və şəraitsiz idi, digər tərəfdən də məktəbdə təhsil alan şagirdlərin sayı yerlərdən çox idi. Uzun zamandır yaşanan bu çətinlik artıq həllini tapır.

Məktəb binasında aparılan əsaslı təmir və bərkitmə işləri çərçivəsində dam örtüyü dəyişdirilir, divarlarda metal konstruksiya və suvaq işi görülür. Həyətdə 320 yerlik yeni korpus inşa edilir. Həm əsas binada, həm də əlavə korpusda idman zalı, yeməkxana yerləşəcək. Məktəbdə istilik sistemi qurulacaq, fənn kabinələri və laboratoriyalar yaradılacaq. Məktəbdə 824 şagirdin təhsil alması üçün hər cür şərait olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.