DÜNYA


Beynəlxalq Ədalət Məhkəməsində İranın ABŞ-a qarşı qaldırdığı iddia üzrə ictimai dinləmələr başlayıb

Tehran, 18 sentyabr, AZƏRTAC

BMT-nin Haaqa Beynəlxalq Ədalət Məhkəməsində İranın ABŞ-a qarşı qaldırdığı iddia üzrə ictimai dinləmələr başlayıb.

AZƏRTAC xəbər verir ki, rəsmi Tehran ABŞ-ı 1955-ci ildə imzalanan “Dostluq və Əməkdaşlıq haqqında” müqaviləni pozmaqda, şərtləri və üzərinə düşən öhdəlikləri yerinə yetirməməkdə günahlandırır.

Qeyd edək ki, ötən ildən davam edən məhkəmə prosesinin gedişində hakimlər İranın xeyrinə bir neçə qərar qəbul ediblər.

Ötənilki qərarda qeyd olunub ki, ABŞ-ın İranın səhiyyə sisteminə, kənd təsərrüfatına qarşı tətbiq etdiyi sanksiyalar qanunsuzdur və anti-insani xarakter daşıyır. Bu qərara baxmayaraq, ABŞ heç bir sanksiyanı aradan qaldırmayıb.

Sentyabrın 21-dək davam edəcək dinləmələr koronavirus pandemiyası ilə əlaqədar olaraq videokonfrans rejimində keçiriləcək.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.