Bakı, 12 noyabr, AZƏRTAC

Azərbaycan Banklar Assosiasiyası (ABA), Mərkəzi Bank və “Sparkassen-Finanzgruppe” şirkəti tərəfindən “Beynəlxalq Əmanət Günü: pulumu necə idarə edim?” adlı vebinar keçirilib.

ABA-dan AZƏRTAC-a bildirilib ki, vebinarda “Dadashsoy Business School”un rəhbəri Elvin Dadaşsoy pulun idarə olunması, gələcək sərmayə olaraq istifadə edilməsi, Mərkəzi Bankın nümayəndəsi Sahib Həsənov müştəri-bank münasibətləri, rəqəmsal identifikasiya sistemi və “Bank of Baku” ASC-nin filial direktoru Rüfət Məmmədov əmanətin növləri, pulu bankda saxlamağın üstünlükləri haqqında təqdimatlar ediblər. Sonda mövzular üzrə müzakirələr aparılıb

və iştirakçıların sualları cavablandırılıb.