CƏMİYYƏT
Beynəlxalq Bitki Sağlamlığı Günü münasibətilə ağacəkmə aksiyası təşkil edilib
Bakı, 12 may, AZƏRTAC
12 may - Beynəlxalq Bitki Sağlamlığı Günü ilə əlaqədar Azərbaycan Qida Təhlükəsizliyi Agentliyinin (AQTA) təşəbbüsü ilə AQTA, Kənd Təsərrüfatı, Ekologiya və Təbii Sərvətlər nazirlikləri tərəfindən ağacəkmə aksiyası keçirilib.
AZƏRTAC xəbər verir ki, aksiya zamanı Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.
Qeyd edək ki, ictimaiyyətin bitkilərin mühafizəsinə cəlb edilməsi, bitki zərərvericiləri və xəstəliklərinin məhsul itkisinə səbəb olması barədə maarifləndirilməsi, sağlam bitkilərin ekosistemə müsbət təsiri və qida təhlükəsizliyinin vacibliyinin diqqətə çatdırılması məqsədilə hər il mayın 12-si Beynəlxalq Bitki Sağlamlığı Günü kimi qeyd olunur.