İQTİSADİYYAT


Beynəlxalq Dəmir Yolları İttifaqının işçi qrupunun 3-cü iclası videokonfrans formatında keçirilib

Tehran, 4 aprel, AZƏRTAC 

Beynəlxalq Dəmir Yolları İttifaqının işçi qrupunun 3-cü iclası videokonfrans formatında baş tutub.

AZƏRTAC xəbər verir ki, İran, Fransa, Yaponiya, Çin, Rusiya, Böyük Britaniya, ABŞ, Koreya Respublikası və Kanadanın nümayəndələrinin iştirak etdiyi iclasda koronavirusla mübarizə və virusun dəmiryolçuların işinə törətdiyi maneələrin aradan qaldırılması məsələləri müzakirə olunub. İttifaqın baş direktoru Fransua Dsvenn bildirib ki, koronavirus pandemiyası bəzi beynəlxalq layihələrin reallaşmasına hələlik imkan vermir. Bir çox dövlətlərdə karantin səbəbindən işlər dayandırılıb.

İranda koronavirusun yayılması ucbatından Rəşt-Astara dəmir yolunun inşası da müvəqqəti dayandırılıb. Bu dəmir yolu “Şimal-Cənub” Beynəlxalq Nəqliyyat Dəhlizinin tərkib hissəsidir. Bu yolla Körfəz ölkələrindən Avropaya ixrac edilən yüklər daşınacaq. Rəşt-Astara dəmir yolu Qəzvin-Rəşt-Astara(İran)-Astara(Azərbaycan) dəmir yolunun tərkib hissəsidir.

 

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.