İQTİSADİYYAT


Beynəlxalq Enerji Agentliyi koronavirusun neft tələbatına təsirlərini açıqlayıb

Bakı, 14 fevral, AZƏRTAC

Koronavirusun yayılması ilə əlaqədar qlobal neft tələbatı 2020-ci ilin birinci rübündə azalacaq.

AZƏRTAC xəbər verir ki, bu barədə Beynəlxalq Enerji Agentliyinin (IEA) neft bazarına dair aylıq hesabatında deyilir. Bildirilir ki, bu, 2009-cu ildən bəri ilk dəfə birinci rübdə neft tələbatının azalması deməkdir.

“Koronavirusun qlobal neft tələbatına təsiri çox böyük olacaq. İlin birinci rübündə tələbatın gündəlik 435 min barrel azalacağı gözlənilir. 2020-ci il üzrə qlobal neft tələbatının artım proqnozu sutkalıq 365 min barrel azaldılıb və 2011-ci ildən indiyədək ən aşağı səviyyə olan gündəlik 825 min barrelə endirilib”, - deyə IEA-nın hesabatında qeyd olunur.

Cari ilin ikinci rübündə neft tələbatının sutkada 1,2 milyon barrel artacağı gözlənilir.

IEA OPEC ölkələrində neft tələbatının azalacağını, lakin virusun ilin sonunadək ABŞ-ın neft şirkətlərinin tədarük artımına təsiri olmayacağını nəzərdə tutur.

Beynəlxalq Enerji Agentliyinə görə, neft istehsalçıları koronavirus səbəbindən ilin birinci yarısında hasilatı daha da azalda bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.