MƏDƏNİYYƏT


Beynəlxalq Muğam Mərkəzində möhtəşəm “Muğam axşamları” layihəsi davam edir

Bakı, 7 iyun, AZƏRTAC

Beynəlxalq Muğam Mərkəzində reallaşan “Muğam axşamları” layihəsi çərçivəsində növbəti konsert “Segah” muğamına həsr olunub.

Mərkəzdən AZƏRTAC-a bildirilib ki, muğamın müxtəlif şöbələrini xalq çalğı alətləri ansamblının müşayiəti ilə dinləyicilərə Xalq Artisti Zabit Nəbizadə, xanəndələr Kamilə Nəbiyeva və Mirələm Mirələmov çatdırıblar.

“Segah” muğamı Azərbaycanın ən çox sevilən yeddi əsas muğamlarından biridir. Azərbaycan muğamları içərisində “Segah” ən geniş yayılmış və sanballı dəstgahlardandır. “Segah” muğamı ailəsinə “Orta segah”, “Xaric segah”, “Mirzə Hüseyn segahı”, “Zabul segah”, “Haşım segahı” və “Yetim segah” daxildir.

Xanəndələr və musiqiçilər tərəfindən böyük məharətlə, ustalıqla təqdim olunan muğamın ifası salonda güclü emosional ovqat yaradaraq ,tamaşaçılar tərəfindən böyük rəğbətlə qarşılanıb və dəfələrlə alqışlarla müşayiət olunub.

İcrasına cari ilin mayında “Rast” muğamı ilə start verilmiş möhtəşəm layihənin növbəti konserti iyunun 13-də “Çahargah” muğamı ilə davam etdiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.