CƏMİYYƏT


Beynəlxalq Multikulturalizm jurnalı Ali Attestasiya Şurasında qeydiyyata alınıb

Bakı, 19 yanvar, AZƏRTAC

Bakı Beynəlxalq Multikulturalizm Mərkəzinin (BBMM) “International Journal of Multiculturalism” (Beynəlxalq Multikulturalizm Jurnalı) adlı yeni beynəlxalq elmi jurnalı Azərbaycan Respublikasının Prezidenti yanında Ali Attestasiya Şurasında dissertasiyaların əsas nəticələrinin dərc olunması tövsiyə edilən dövri elmi nəşrlərin siyahısına daxil edilib.

Mərkəzdən AZƏRTAC-a bildiriblər ki, elmi araşdırmalar jurnalı, multikulturalizm elmi-tədqiqatlarının nəticələrini əks etdirən, ildə 2 dəfə ingilis dilində dərc edilən elmi-tədqiqat jurnaldır. Bütün beynəlxalq standartlara cavab verən “International Journal of Multiculturalism” jurnalı regionda bu istiqamətdə ilk elmi nəşr sayılır. Elmi nəşrin redaksiya heyəti bu sahədə tanınmış xarici mütəxəssislərdən formalaşıb.

Qeyd edək ki, beynəlxalq elmi jurnalın qısa müddətdə fəaliyyətə başlamasına baxmayaraq, beynəlxalq aləmdə kifayət qədər geniş oxucu kütləsinə sahibdir. Jurnal Ali Attestasiya Şurası tərəfindən qeydiyyata alınması yerli tədqiqatçılarımızın multikulturalizm sahəsində baş verən elmi yenilikləri əks etdirən məqalələrinin beynəlxalq auditoriyaya çatdırmasında, xarici alimlər arasında elmi əməkdaşlığın genişlənməsində böyük rol oynayacaqdır.

“International Journal of Multiculturalism” jurnalının PDF variantı həm BBMM-in, həm də jurnalın saytında yerləşdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.