İQTİSADİYYAT


Beynəlxalq Nəqliyyat Forumunun Avtomobil Nəqliyyatı Qrupunun Bakı iclası başa çatıb

Bakı, 15 oktyabr, AZƏRTAC

Bakıda keçirilən Beynəlxalq Nəqliyyat Forumunun (BNF) Avtomobil Nəqliyyatı Qrupunun növbəti iclası oktyabrın 15-də öz işinə yekun vurub.

Dövlət Avtomobil Nəqliyyatı Xidmətindən AZƏRTAC-a bildirilib ki, iclasın ikinci günündə gündəlikdə duran məsələlər, Keyfiyyət Xartiyasında nəzərdə tutulmuş tələblərin üzv ölkələrdə cari icra vəziyyəti və növbəti illərdə beynəlxalq sərnişin və yükdaşımaları sahəsində prioritetlər müzakirə edilib. Həmçinin Avstriya, Belçika, Danimarka, Macarıstan, Polşa və Türkiyənin müsbət nəticə verən platforma layihələri tədbir iştirakçılarına təqdim olunub.

Tədbirdə Azərbaycanın Keyfiyyət Xartiyasına qoşulmasına dair həyata keçirdiyi tədbirlər məqsədəuyğun hesab edilib. Yekun iclasda BNF-nin fəaliyyətinin gücləndirilməsində üzv dövlətlərin rolunun artırılması, il ərzində nəzərdə tutulan tədbirlər və qəbul edilən sənədlər barədə fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.