CƏMİYYƏT


Beynəlxalq Türk Akademiyası Azərbaycan Əlifbası və Azərbaycan Dili Günü münasibətilə təbrik ünvanlayıb

Nur-Sultan, 1 avqust, AZƏRTAC

Beynəlxalq Türk Akademiyasının prezidenti Darxan Kıdırəli xalqımıza Azərbaycan Əlifbası və Azərbaycan Dili Günü münasibətilə təbrik ünvanlayıb.

AZƏRTAC xəbər verir ki, təbrikdə bu əlamətdar günün ümummilli lider Heydər Əliyevin 2001-ci ildə imzaladığı Fərmanla artıq 20 ildir qardaş Azərbaycanda qeyd edildiyi bildirilir. Vurğulanır ki, həmin il Azərbaycanda latın qrafikalı yeni əlifbaya tam keçidin təmin olunması ilə türk dünyasında inteqrasiyanın yeni səhifəsi açılmışdır.

Təbrikdə deyilir: “Bu əlamətdar gün münasibətilə Azərbaycan xalqını təbrik edir, milli kimliyimizin əsası və əcdadlarımızın bizə miras buraxdığı əvəzsiz xəzinə olan dilimizin daim qorunması və inkişaf etdirilməsini arzulayıram!”

İlahə Əhmədova

AZƏRTAC-ın xüsusi müxbiri

Nur-Sultan

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.