ELM VƏ TƏHSİL


Beynəlxalq Vışeqrad Fondu təqaüdlü təhsilə qəbul elan edib

Varşava, 25 yanvar, AZƏRTAC 

Beynəlxalq Vışeqrad Fondu universitet tələbələri və məzunları üçün təqaüd proqramına start verib.

AZƏRTAC xəbər verir ki, təqaüd proqramı çərçivəsində müraciət edənlər V4 ölkələri (Polşa, Çexiya, Macarıstan, Slovakiya) daxil olmaqla, Azərbaycan, Albaniya, Ermənistan, Belarus, Bosniya və Herseqovina və digər ölkələrdə Fondun nəzdində akkreditə olunmuş ali təhsil müəssisələrində təhsil almaq və ya tədqiqat aparmaq üçün vəsait əldə edə biləcəklər.

Təhsil müddəti 4 semestrə qədər olmaqla hər semestr üçün 2500 avro təşkil edir. Martın 15-dək sənəd qəbulu aparılır.

Vişeqrad Fondunun təqaüdləri tələbələr, magistrantlar və elmi tədqiqat aparmaq istəyən hər kəs üçün bütün dillərdə təhsil imkanı verir. Təqaüdü qazananlar Mərkəzi və Şərqi Avropanın, habelə Azərbaycanın 190-dan çox universitetində birillik təhsil ala bilir.

Aygün Əliyeva

AZƏRTAC-ın xüsusi müxbiri

Varşava

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.