SİYASƏT


Beynəlxalq ictimaiyyət Ermənistanın Azərbaycanın dinc əhalisinə qarşı hücumlarını qınayır

Bakı, 22 oktyabr, AZƏRTAC

Beynəlxalq təşkilatlar Ermənistan silahlı qüvvələrinin Azərbaycanın şəhər və rayonlarını atəşə tutmasını, dinc əhalinin qətlə yetirilməsini pisləyərək, Ermənistan–Azərbaycan Dağlıq Qarabağ münaqişəsinin həllində ölkəmizin haqlı mövqeyini dəstəklədiklərini bəyan edirlər.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a verilən məlumata görə, bu günlərdə Fransada Azərbaycanın Dostları Assosiasiyasının sədri, Fransa parlamentinin fəxri üzvü Jan-Fransua Manselin verdiyi bəyanatda bildirilir ki, Assosiasiya Ermənistan silahlı qüvvələri tərəfindən sentyabrın 27-dən başlayaraq Azərbaycanın bir sıra şəhərlərinin mülki əhalisini hədəfə alan raket hücumlarını kəskin şəkildə pisləyir.

Sənəddə münaqişə zonasından uzaqda yerləşən, Azərbaycanın ikinci böyük şəhəri olan Gəncənin bir neçə dəfə atəşə tutulmasından narahatlıq ifadə olunur. Qeyd edilir ki, Ermənistanın bu hərbi cinayətləri BMT və Avropa İttifaqı tərəfindən də pislənilib və qəbuledilməz hesab olunub.

Bəyanatda bildirilir ki, Azərbaycanın Dostları Assosiasiyası Ermənistanın təxribatları nəticəsində günahsız insanların qətlə yetirilməsi ilə bağlı Azərbaycan xalqına öz dəstəyini ifadə edir.

Sənəddə ATƏT-in Minsk qrupuna daxil olan dövlətlərin uzun illərdir münaqişənin həlli istiqamətində heç bir nəticə əldə etmədikləri, status-kvonun dəyişdirilməsi üçün heç bir iş görmədikləri təəssüflə qeyd edilir, BMT Təhlükəsizlik Şurasının dörd qətnaməsinin tezliklə yerinə yetiriləcəyinə ümid ifadə olunur.

Bəyanatın sonunda Ermənistanın işğal etdiyi Azərbaycan torpaqlarını dərhal və qeyd-şərtsiz tərk etməsi tələb olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.