“Beynəlxalq təcrübədə uğurlu Tənzimləyici Test Rejimi layihələri” və “Agent bankçılıq” mövzularında vebinar keçirilib

Bakı, 6 dekabr, AZƏRTAC

Azərbaycan Mərkəzi Bankı (AMB), Azərbaycan Banklar Assosiasiyası (ABA) və Beynəlxalq Maliyyə Korporasiyasının (IFC) birgə təşkilatçılığı ilə dekabrın 6-da vebinar keçirilib.

ABA-dan AZƏRTAC-a bildirilib ki, vebinar “Beynəlxalq təcrübədə uğurlu Tənzimləyici Test Rejimi (Sandbox) layihələri” və “Agent bankçılıq” mövzularını əhatələyib. Banklar və fintexlərin müvafiq əməkdaşlarının iştirakı ilə baş tutan vebinarda IFC-də (Dünya Bankı Qrupu) məsləhətçi, Pul və Pulköçürmələri Assosiasiyasının icraçı direktoru Pavel Şust təqdimatla çıxış edib. Sonda mövzu üzrə suallar cavablandırılıb və müzakirə aparılıb.