CƏMİYYƏT


Beynəlxalq təşkilatdan "Türkdilli Dövlətlərin PR mütəxəssislərinin Birinci Bakı Forumu"na dəstək

Bakı, 30 noyabr, AZƏRTAC

Mənzil-qərargahı Londonda yerləşən Beynəlxalq İctimaiyyətlə Əlaqələr Assosiasiyası (IPRA - International Public Relations Association) yanvarın 26-da türk dünyasında ilk dəfə keçiriləcək "Türkdilli Dövlətlərin PR Mütəxəssislərinin Birinci Bakı Forumu"nun rəsmi tərəfdaşı olub.

Forumun təşkilat qrupundan AZƏRTAC-a bildiriblər ki, IPRA-dan gələn dəstək məktubunda forumun Türkdilli Dövlətlərin PR mütəxəssisləri arasında qarşılıqlı əlaqələrin yaradılmasında və PR sahəsində yeni metodların tətbiq edilməsində böyük rol oynayacığına əminlik ifadə olunub.

IPRA prezidenti forumun fəxri qonaqlarından biri olacaq və spiker kimi çıxış edəcək.

Xatırladaq ki, forumun əsas məqsədi Türkdilli Dövlətlərin PR mütəxəssislərini bir araya gətirmək, türkdilli ölkələrin PR mütəxəssislərinin qarşılıqlı əməkdaşlığını genişləndirmək, PR sahəsinə yeni tendensiyalar və ideyalar gətirərək bu sahənin inkişafını təmin etməkdir.

Bu günədək forumda Türkiyə, Qazaxıstan, Özbəkistan, Türkmənistan və Qırğızıstanın PR mütəxəssisləri, həmçinin yerli şirkətlərdə çalışan PR mütəxəssislər iştiraklarını təsdiqləyiblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.