CƏMİYYƏT


Bəzi pəhriz məhsulları arıqlamağın qarşısını alır

Bakı, 16 may, AZƏRTAC

Pəhriz qidaları adı altında satılan bəzi məhsullar, əslində, arıqlamağa mane ola bilər.

AZƏRTAC xəbər verir ki, bunu tibb elmləri namizədi, neyroendokrinoloq, “Atlas” klinikalar şəbəkəsi Elmi Şurasının sədri Yuri Poteşkin “Gazeta.ru”ya müsahibəsində bildirib.

Həkimin sözlərinə görə, bu, xüsusilə sağlam kimi təqdim edilən bütün fruktoza məhsullarına aiddir. Mütəxəssis hesab edir ki, fruktoza bədən tərəfindən çox tez emal olunur, hüceyrələrdə asanlıqla qlükozaya çevrilir, qlükoza qana qayıdır və sonra qaraciyərdə kifayət qədər qlikogen olduqda, bütün depoda paylanaraq yağ kütləsini artırır.

Endokrinoloq əlavə edib ki, çox vaxt düzgün qidalanma ilə bağlı olan meyvə şirələrinin, əslində, bununla heç bir əlaqəsi yoxdur. Ümumdünya Səhiyyə Təşkilatı (ÜST) bütün qidalanma tövsiyələrində qeyd edir ki, şirə istəyirsinizsə, meyvə seçmək daha yaxşıdır, çünki onların tərkibində pəhriz lifi var. O vurğulayır ki, həmin şirələr bağırsaqlarda şəkərin udulmasını səngidir.

Onun sözlərinə görə, bəzən şəkərin sağlam alternativi sayılan bal da bədən çəkisinə oxşar təsir göstərir.

Balda həqiqətən faydalı xüsusiyyətlər var. Lakin bal demək olar tamamilə şəkərdən ibarətdir, ona görə də arıqlamaq istəyənlər üçün onu yemək məsləhət görülmür.

"Çox vaxt arıqlamaq üçün insanlar yüksək keyfiyyətli çörəkdə, taxılda, bərk buğdadan hazırlanan makaronda olan karbohidratlardan tamamilə imtina edirlər”, - deyən endokrinoloq bunun əks-təsirlə nəticələnməsi ehtimalını xatırladır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.