CƏMİYYƏT


Bəzi səhiyyə strukturlarının səlahiyyət sahibi olmuş şəxsləri tərəfindən neqativ hallara yol verilməsi çox təəssüfedicidir

Bakı, 22 aprel, AZƏRTAC

Pandemiya başlanan ilk gündən Azərbaycanda həm səhiyyə infrastrukturunun koronavirusla mübarizəyə səfərbər olmasına, həm də səhiyyə strukturlarına lazım olan dəstəyin verilməsinə böyük diqqət ayrılır. Dövlət tərəfindən və birbaşa Prezident İlham Əliyevin və Birinci vitse-prezident Mehriban Əliyevanın çoxsahəli və fədakar fəaliyyəti nəticəsində ölkəmizin səhiyyə strukturu, səhiyyə sistemi bu prosesin öhdəsindən gəlir. Bunu AZƏRTAC-a Milli Məclisin deputatı Müşfiq Məmmədli “Yeni klinika” nın direktorunun qanunsuz əməllərinə münasibət bildirərək deyib.

Azərbaycan nadir ölkələrdən biridir ki, öz əhalisinin sağlamlığını bütün iqtisadi maraqlardan ön planda tutdu və insanların həyatının qorunması, xəstələnlərin vəziyyətinin ağırlaşmaması üçün mümkün ola biləcək həm iqtisadi, həm səhiyyə sektorunun inkişafı baxımından bütün addımlar atıldı. Pandemiya xəstəxanalarının qurulması, onların tam təchizatla təmin edilməsi, dərman preparatları, avadanlıqlar, süni tənəffüs aparatlarının ölkəyə gətirilməsi buna misaldır.

Bütün bunlar dövlətin həqiqətən də həm öz üzərinə düşən funksiyaların icrasındakı tutduğu mövqeyi, həmçinin də dövlət strukturlarının və o cümlədən, əhalinin bütün kəsimlərinin fədakarlığı da göz önündədir. Ancaq təəssüflər olsun ki, əhalimizin düşdüyü bu çətin durumda, həqiqətən də insanların köməyə ehtiyacı olduğu halda bəzi vəzifəli şəxslər, bəzi səhiyyə strukturlarının səlahiyyət sahibi olmuş şəxslər xalqına, dövlətinə, millətinə xidmət etmək əvəzinə çox təəssüfedici addımlar atıblar. Xüsusən də pandemiyanın ağır vaxtında, dövlətimizin fədakarlıq etdiyi, dövlət rəhbəri İlham Əliyevin bu sahədə bütün mümkün ola biləcək - həm beynəlxalq səviyyədə, həm ölkə arenasında atdığı addımlara baxmayaraq bu cür neqativ halların olması çox təəssüfedicidir. Əhalinin bu çətin durumundan istifadə edərək, onun sağamlığının qorunması üçün tibb işçiləri tərəfindən hər cür fədakarlığın edilməsinə baxmayaraq, bəzi şəxslərin bu cür addımlar atması çox təəssüfedici və qınanılası addımlardır. Təbii ki, hüquq-mühafizə orqanları bu sahədə araşdırmalar aparır və kim bu sahədə hüquq pozuntusuna yol veribsə, cəzasını alacaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.