CƏMİYYƏT


Bilal Dündar: Nəsiminin yubileyi münasibətilə 650 min ağac əkilməsi təşəbbüsü onun xatirəsinə böyük ehtiramdır

Bakı, 13 noyabr, AZƏRTAC

İmadəddin Nəsimi Azərbaycan xalqının və bütövlüdə türk dünyasının ümumbəşər mədəniyyətinə bəxş etdiyi dahi şəxsiyyətdir. O, Şərqdə bədii söz sənətinin son dərəcə qiymətli incilərini yaradıb.

Bu fikirləri AZƏRTAC-a açıqlamasında Türkiyə-Azərbaycan Dərnəkləri Federasiyasının sədri Bilal Dündar bildirib. O qeyd edib ki, Azərbaycan Prezidenti İlham Əliyevin Nəsiminin anadan olmasının 650 illiyinin qeyd olunması ilə bağlı Sərəncam imzalaması, 2019-cu ili ölkədə “Nəsimi ili” elan etməsi dahi şairin irsinin təbliği baxımından mühüm addımlardır. Bu sərəncamlara uyğun olaraq Nəsiminin bəşəri ideyalarının dünyaya çatdırılması istiqamətində mühüm tədbirlər keçirilir.

Federasiya sədri, eyni zamanda, Azərbaycanın Birinci vitse-prezidenti Mehriban Əliyevanın dahi şairin yubileyi ilə əlaqədar bir gündə 650 min ağac əkilməsi təşəbbüsünə də münasibət bildirib. O, bunun çox təqdirəlayiq bir qərar olduğunu qeyd edib. Vurğulayıb ki, dahi şairin yubileyi münasibətilə ağac əkmək onun xatirəsinin əbədiləşdirilməsinə böyük ehtiramdır. Nəsimi əsərlərində xeyirxah və nəcib əməllərin daşıyıcısı olan insanı ilahiləşdirərək onu yaradanla bir tuturdu.

“Dini ayələrdən birində deyilir ki, qiyamət qopacağını bilsən belə əlindəki fidanı yerə basdır. Ağac əkmək, ətrafı yaşıllaşdırmaq ən gözəl əməllərdəndir”, - deyə Bilal Dündar vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.