İQTİSADİYYAT


Biləsuvar və Cəlilabad rayonlarında sakinlərin təbii qazla bağlı problemləri dinlənilib

Bakı, 26 may, AZƏRTAC

“Açıq mikrofon” aksiyasının mahiyyəti qaz təchizatı ilə bağlı üzləşdiyiniz problemləri yerindəcə dinləmək, vətəndaşların ünvanladıqları müraciətləri birbaşa olaraq “Azəriqaz” İstehsalat Birliyinin rəhbərinə çatdırılmasında vasitəçi olmaqdan ibrətdir.

AZƏRTAC xəbər verir ki, bu sözləri Birliyin Şikayətlərin araşdırılması şöbəsinin rəisi İbrahim Kərbalayev Biləsuvar rayonunda vətəndaşlarla keçirilən görüşdə bildirib. Aksiyaya Biləsuvar rayonunun Aşağı Cürəli, Çaylı, Aranlı, İsmətli kəndlərindən, habelə Günəşli, Ağalıkənd və Əliyabad kəndlərinin yeni yaşayış massivlərindən üz tutan sakinlər küçə qaz xəttinin çəkilməsi, fərdi qazlaşma, qaz xəttinin yerinin dəyişdirilməsi, işə qəbul, qapı keçidinin quraşdırılması ilə bağlı müraciət ediblər. Daxil olan müraciətlər Birliyin məsul şəxsləri tərəfindən cavablandırılıb, vətəndaşlara lazımi izahatlar verilib.

"Açıq mikrofon" aksiyası çərçivəsində növbəti görüş Cəlilabad rayonunda baş tutub. Əli Musayev, Vidadi Abdullayev, Vüsal Cəfərov, Oqtay Eynullayev küçələrində yaşayan sakinlər sözügedən ünvanların təbii qazla təmin olunmasını xahiş ediblər. Lənkəran Regional Qaz İstismarı İdarəsinin rəisi Namiq Məmmədov qazlaşma prosesinin mərhələli şəkildə davam etdiyini bildirərək, bu ünvanların da qazlaşdırılması ilə bağlı müraciətlərin Birliyin baş direktoruna çatdırılacağını vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.