İDMAN


Biləsuvarda şəhidlərin xatirəsinə həsr olunmuş ikinci respublika turniri təşkil edilib

Bakı, 9 avqust, AZƏRTAC

Biləsuvar Olimpiya İdman Kompleksində İkinci Qarabağ müharibəsi şəhidləri İqbal Astanlı və Babək Mahmudlunun əziz xatirələrinə həsr olunmuş sərbəst və yunan-Roma güləşi üzrə U-15 ikinci respublika turniri keçirilib.

AZƏRTAC xəbər verir ki, 250 idmançının qatıldığı yarışın təntənəli açılış mərasimində rayon ictimaiyyətinin nümayəndələri, şəhid ailələri, qazilər, qonaqlar iştirak ediblər.

Tədbirdə rayon icra hakimiyyətinin başçısı Faiq Qürbətov ölkə idmanının Azərbaycan Prezidenti İlham Əliyevin və Birinci vitse-prezident Mehriban xanım Əliyevanın daim diqqətində olduğunu xüsusi vurğulayıb. O, turniri gələcəkdə beynəlxalq səviyyədə keçirmək arzusunda olduğunu da bildirib.

Daha sonra yarışın təşkilində xidmətləri olmuş şəxslərə xüsusi sertifikatlar təqdim olunub.

Sonda yarışda yer tutmuş idmançılar diplom, medal və qiymətli hədiyyələrlə mükafatlandırılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.