ELM VƏ TƏHSİL


Biləsuvarlı “Vikipediya” könüllüləri xüsusi diplomla təltif olunublar

Bakı, 9 iyun, AZƏRTAC

“Qorqud” Vikipediya Metodiki Klubunun təlimlərində iştirak edən Biləsuvardan olan könüllü gənclər xüsusi diplomla təltif olunublar.

Bu barədə AZƏRTAC-a “Vikipediya” üzrə mütəxəssis, diaspor üzrə araşdırmaçı-ekspert Elnur Eltürk məlumat verib. O bildirib ki, Biləsuvardan olan vətənpərvər, bacarıqlı gənclər “Qorqud” Vikipediya Metodik Klubunun təlimlərində iştirak edirlər. Onlara klubun təcrübəli təlimçilər tərəfindən “Vikipediya” platformasında işləmək bacarığı və qaydaları öyrədilib. “Viki” könüllülər tərəfindən Vətən müharibəsi şəhidləri, qaziləri haqqında onlarla məqalə yaradılıb və zənginləşdirib. Könüllülər başqa mövzularda da məqalələri zənginləşdiriblər. Yaradılan məqalələr sosial şəbəkələr, mətbuat vasitəsilə cəmiyyətə təqdim edilib. Təlimlərdə fəal iştirak edən və öz töhfələrini verən Elnur Hüseynli, Könül Mahmudova, Günay Şahbazlı, Əminə Əhmədzadə, Fidan Orucova, Ruqiyə Orucova, Emin Abbaszadə klubun yaradılmasının təşəbbüskarı, Milli Məclisin deputatı Elnur Allahverdiyev tərəfindən xüsusi diplomla təltif olunublar. Qarşıdakı aylarda başqa könüllü qruplar xüsusi diplomla təltif olunacaqlar.

Qeyd edək ki, Biləsuvar rayonunda “Viki” könüllülər qrupu Milli Məclisin deputatı Bəhruz Məhərrəmovun təşəbbüsü ilə yaradılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.