SİYASƏT


Binəli Yıldırım: Azərbaycan-Türkiyə münasibətləri özəldir

Bakı, 22 sentyabr, Ayla Sadıq, AZƏRTAC

Azərbaycan parlamentinin yaranmasının 100 illiyi qeyd olunur. Dünyanın bir çox ölkələrindən parlament sədrləri bu münasibətlə keçirilən təntənəli iclasda iştirak ediblər. Bu, çox önəmli hadisədir. Azərbaycan-Türkiyə münasibətləri özəldir. Ulu öndər Heydər Əliyevin dediyi kimi, biz bir millət, iki dövlətik. Azərbaycanın sevinci bizim də sevincimizdir, kədəri bizim də kədərimizdir.

Bu sözləri AZƏRTAC-a müsahibəsində Azərbaycan parlamentinin 100 illiyi münasibətilə keçirilən təntənəli iclasda iştirak edən Türkiyə Böyük Millət Məclisinin sədri Binəli Yıldırım deyib.

Türkiyə Böyük Millət Məclisinin sədri bildirib ki, ölkələrimiz arasında münasibətlər daha da genişlənir. Biz Qafqaz regionunun sabitliyi üçün enerji təhlükəsizliyi, nəqliyyat layihələrini birgə həyata keçiririk. Məsələn, TANAP sadəcə Türkiyə və Azərbaycan arasında olan layihə deyil, eyni zamanda, Cənubi-Şərqi Avropanın enerji ehtiyaclarını qarşılayan bir layihədir.

Binəli Yıldırım qeyd edib ki, hər iki ölkə yaxın iş birliyi qurarkən parlamentlər də onlara dəstək olmaq üçün birlikdə çalışır. Ölkələrimiz arasında parlament diplomatiyasını inkişaf etdiririk, bizim dostluq qruplarımız var. Hazırda Türkiyə-Azərbaycan əməkdaşlıq birliyini təşkil etmək istəyirik. Bu istiqamətdə işlərə başlamışıq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.