DÜNYA


Binəli Yıldırım Türkiyənin Dövlət Şərəf Medalı ilə təltif olunub

İstanbul, 13 iyul, AZƏRTAC 

Ötən gün Türkiyə Böyük Millət Məclisinin (TBMM) sədri seçilmiş Binəli Yıldırım Dövlət Şərəf Medalı ilə təltif olunub.

Bu münasibətlə Ankarada təşkil olunan mərasimdə mükafatı TBMM-in sədrinə Türkiyə Prezidenti Rəcəb Tayyib Ərdoğan təqdim edib.

Rəcəb Tayyib Ərdoğan parlamentin sədri ilə səmimi dostluq münasibətlərindən, Binəli Yıldırımın ölkəsinə və xalqına sədaqətindən, yüksək insani keyfiyyətlərindən danışıb. Dövlət başçısı əminliklə bildirib ki, Baş nazir işlədiyi dövrdə olduğu kimi, Türkiyə Böyük Millət Məclisinin sədri olduğu müddətdə də Binəli Yıldırım Türkiyə dövləti naminə fəaliyyətini davam etdirəcək.

Sabir Şahtaxtı

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.