CƏMİYYƏT


Binəqədi rayonunda akademik Zərifə Əliyevanın xatirəsi anılıb

Bakı, 16 aprel, AZƏRTAC 

Azərbaycanda oftalmologiya elminin inkişafında böyük xidmətləri olan akademik Zərifə xanım Əliyevanın xatirəsinin anım günü ilə əlaqədar Binəqədi rayonunda tədbir keçirilib.

Binəqədi Rayon İcra Hakimiyyətindən AZƏRTAC-a bildirilib ki, tədbir iştirakçıları əvvəlcə Zərifə Əliyeva adına parkda görkəmli alimin abidəsi önünə gül dəstələri düzüb, xatirəsinə dərin ehtiram bildiriblər.

Binəqədi Rayon İcra Hakimiyyəti başçısının müavini Aygün Əliyeva akademik Zərifə Əliyevanın fitri istedada malik novator alim kimi elmə verdiyi töhfələr, həmçinin onun mənəvi dünyası, həyat fəlsəfəsi, keçdiyi şərəfli və mənalı ömür yolu barədə danışıb, bütün bu keyfiyyətləri ilə Zərifə xanımın simasında əsl Azərbaycan qadını obrazının canlandığını vurğulayıb.

Çıxış edənlər bildiriblər ki, dəyərli elmi tədqiqatları ilə oftalmologiya sahəsində əldə etdiyi uğurlar elm adamları arasında onu həm də fədakar alim kimi tanıdıb. Bütün bunlar Zərifə xanımın fədakar ana, ləyaqətli övlad, əsl insan kimi hər bir azərbaycanlı xanıma örnək olduğunu təsdiqləyir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.