CƏMİYYƏT


“Bir ağac-min nəfəs” devizi altında vətəndaşlara ağac tingləri paylanılıb

Bakı, 25 noyabr, AZƏRTAC

Noyabrın 25-də Ekologiya və Təbii Sərvətlər Nazirliyi və BRAVO marketlər şəbəkəsinin birgə təşkilatçılığı ilə Bakının Binə qəsəbəsində fəaliyyət göstərən BRAVO marketi ziyarət edən alıcılara ağac tingləri hədiyyə edilib.

Nazirliyin mətbuat xidmətindən AZƏRTAC-a bildiriblər ki, ağac əkilməsinin təşviqi məqsədilə keçirilən tədbirdə ekokönüllülər tərəfindən vətəndaşlara ağac tinglərinin əkilməsi və qulluq göstərilməsi qaydalarına dair məlumatlar da verilib.

Qeyd edək ki, bu gündən start götürən tinglərin paylanılması aksiyaları Bakıda və bölgələrdə növbəti günlərdə də davam etdiriləcək.

Nazirlik bütün təbiətsevərləri bu aksiyalarda fəal iştirak etməyə, ağac əkməyə və qorumağa çağırır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.