CƏMİYYƏT


Bir neçə rayon ərazisində ağacların qanunsuz kəsilməsi faktları ilə bağlı cinayət işləri başlanıb

Bakı, 4 iyul, AZƏRTAC

Azərbaycan Respublikası Baş Prokurorluğuna daxil olmuş vətəndaşların ərizələri, kütləvi informasiya vasitələri və səlahiyyətli dövlət qurumlarının məlumatları əsasında Cinayət təqibindən kənar icraatlar idarəsində İmişli, Zaqatala və Yardımlı rayonlarının ərazilərində qanunsuz ağackəsmə faktları ilə bağlı araşdırma aparılıb.

Baş Prokurorluğun mətbuat xidmətindən AZƏRTAC-a bildiriblər ki, aparılmış araşdırmalarla İmişli rayonunun Qaragüvəndikli və Bəcirəvan, Zaqatala rayonunun Yuxarı Çardaxlar kəndlərində və Masallı Regional Meşə Təsərrüfatı Mərkəzinin Yardımlı rayonu ərazisində yerləşən 1 və 3 saylı meşəbəyliyində ağacların qanunsuz kəsilməsi nəticəsində ümumilikdə təbiətə 40 min manat məbləğində maddi ziyanın dəyməsi müəyyənləşdirilib.

Fakta görə Cinayət Məcəlləsinin 259.1-ci, 259.2.4-cü (qanunsuz ağac kəsmə) və 314.1-ci (səhlənkarlıq) maddələri ilə cinayət işləri başlanılaraq istintaqın aparılması üçün aidiyyəti üzrə prokurorluq və daxili işlər orqanlarına göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.