İQTİSADİYYAT


Birgə sənaye parkı İran-Azərbaycan iqtisadi əlaqələrinin inkişafına töhfə verəcək

Tehran, 1 may, AZƏRTAC

Ərdəbildə Azad Ticarət Zonasının (ATZ) yaradılması İran ilə Azərbaycan arasındakı iqtisadi əlaqələrin genişlənməsinə səbəb olacaq və hər iki dövlətin sərhədyanı rayonlarının sosial vəziyyəti daha da yüksələcək.

AZƏRTAC xəbər verir ki, bu sözləri İranın Ərdəbil vilayətinin valisi Əkbər Behnamcu deyib. O bildirib ki, ATZ yaradıması lahiyəsi İran hökuməti və parlamenti tərəfindən qəbul edilib. Layihə Ekspertlər Şurasının iqtisadiyyat və infrastruktur komitəsi tərəfindən təsdiqləndikdən sonra icrasına başlanacaq.

Vali diqqətə çatdırıb ki, Ərdəbil vilayətində İran ilə Azərbaycanın birgə sənaye parkanın yaradılması yeni ideyadır və başqa ölkələr arasında olmayıb. Onun sözlərinə görə, Ərdəbil ilə digər vilayətlərin dəmir yolu ilə birləşməsinə dair də layihə hazırlanıb. Gələcəkdə Ərdəbilin də Qəzvin-Rəşt-Astara(İran)-Astara(Azərbaycan) dəmir yoluna birləşdirilməsi planı da var.

Ə.Bəhnamcu bildirib ki, ötən il Biləsuvar gömrüyü vasitəsilə həyata keçirilən ticarət dövriyyəsinin dəyəri 70 faiz artaraq 250 milyon ABŞ dolları təşkil edib.

Rabil Kətanov

AZƏRTAC-ın xüsusi müxbiri

Tehran

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.