CƏMİYYƏT


Birinci rübdə 30 min şəxsə e-qaydada fərdi hesab açılıb

Bakı, 14 aprel, AZƏRTAC

Əmək və Əhalinin Sosial Müdafiəsi Nazirliyinin elektron xidməti vasitəsilə yanvar-mart aylarında 30 min şəxsə e-qaydada sosial sığorta nömrəsi (SSN) və bununla da elektron qaydada fərdi hesab açılıb.

Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, ilk dəfə əmək müqaviləsi ilə işə başlayan şəxslə əmək müqaviləsi bağlanmasına dair bildiriş e-sistemdə qeydiyyatdan keçdikdə onun üçün avtomatik olaraq SSN və fərdi şəxsi hesabı açılır. Fərdi şəxsi hesabı açılan şəxs isə sosial sığorta sistemində iştirak və gələcək sosial təminatı üçün pensiya kapitalı toplamaq imkanı əldə edir.

Qeyd olunan e-xidmət 2020-ci ilin yanvar ayında fəaliyyətə başlayıb və ötən dövrdə bu e-xidmət vasitəsilə 242 min elektron fərdi hesab açılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.