İQTİSADİYYAT


Biznes-inkubatorları əhatə edən elektron məlumat bazasının yaradılması məsələsi müzakirə edilib

Bakı, 10 fevral, AZƏRTAC

Azərbaycanda fəaliyyət göstərən biznes-inkubatorları əhatə edən elektron məlumat bazasının yaradılması məsələsi müzakirə edilib.

İqtisadiyyat Nazirliyinin mətbuat xidmətindən AZƏRTAC-a bildiriblər ki, “Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair” Strateji Yol Xəritəsi üzrə nəzərdə tutulmuş tədbirlərə uyğun olaraq, biznes-inkubatorların fəaliyyətinin əlaqələndirilməsi üzrə aidiyyəti dövlət qurumlarının və biznes-inkubatorların idarəedicilərinin iştirakı ilə nazirlikdə yaradılmış əlaqələndirici komissiyanın iclası keçirilib.

İclasda biznes-inkubatorların inkişafının dəstəklənməsi istiqamətində nəzərdə tutulan tədbirlərin icrası, ölkədə fəaliyyət göstərən biznes-inkubatorları əhatə edən elektron məlumat bazasının yaradılması, onların qarşılıqlı fəaliyyətinin təşkili məsələləri üzrə müzakirələr aparılıb. Müzakirələrin nəticəsi olaraq, müvafiq tədbirlər planının hazırlanması məqsədəuyğun hesab edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.