DÜNYA


Bloomberg: İran ilə ticarət əlaqələrini qadağan edən ABŞ özü bu əlaqələri davam etdirir

Tehran, 7 noyabr, AZƏRTAC

ABŞ sanksiyalar tətbiq edərək dünya dövlətlərini İranla iqtisadi əlaqələr qurmağı qadağan etdiyi halda özü İrana məhsul satmaqda davam edir.

AZƏRTAC “Bloomberg” agentliyinə istinadən xəbər verir ki, sanksiyaların sərtləşməsindən bir gün sonra ABŞ-ın Lonqvyu limanından çıxan və 56 951 ton soya yağları, dənli və paxlalı bitkilərdən ibarət yük gəmisi İranın İmam Xomeyni limanına yönəlib.

Agentlik xəbər verir ki, cari ilin iyul ayından bu günə kimi ABŞ-dan İrana 13 yük gəmisi yola salınıb. Çin soya, dənli və paxlalı bitkilərin idxalı üzrə dünyada liderdir. Lakin rəsmi Vaşinqtonun Çin ilə apardığı ticarət “müharibəsi” ABŞ istehsalçılarına yeni bazarlar axtarmağa vadar edib.

Agentliyin məlumatına görə, cari ildə ABŞ İrana 873 420 ton soya, dənli və paxlalı bitki məhsulları ixrac edib.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.