DÜNYA


Boeing “737 MAX” modelinin təhlükəsizliyinə tam əmin olduğunu bildirib

Bakı, 12 mart, AZƏRTAC

Boeing korporasiyası Efiopiyada aviasiya qəzası ilə əlaqədar bir sıra ölkələrdə “737 MAX” təyyarələrinin istismarının dayandırılması barədə informasiyalar fonunda bu modelin təhlükəsizliyinə tam əmin olduğunu bəyan edib.

AZƏRTAC Dow Jones agentliyinə istinadla xəbər verir ki, korporasiya, həmçinin nizamlayıcı orqanların və operator-kompaniyaların “Boeing 737 MAX” laynerlərinin uçuşlarının dayandırılması haqqında qərarları daxili bazarlarda vəziyyətdən çıxış edərək qəbul etdiklərini bildirib.

Boeing qeyd edib ki, ABŞ Federal Aviasiya İdarəsindən “737 MAX” təyyarələri ilə bağlı hər hansı göstəriş almayıb.

Xatırladaq ki, Əddis-Əbəbədən Nayrobiyə uçan “Boeing 737-MAX 8” təyyarəsi martın 10-da Efiopiyanın paytaxtından 60 kilometr şərqdə qəzaya uğrayıb. Təyyarənin göyərtəsindəki 157 sərnişin, o cümlədən 8 ekipaj üzvü həlak olub. Bu, son 5 ay ərzində həmin model təyyarənin iştirakı ilə baş verən ikinci aviasiya qəzasıdır. 2018-ci il oktyabrın 29-da İndoneziyanın “Lion Air” aviakompaniyasına məxsus “Boeing 737 MAX” təyyarəsinin qəzaya uğraması nəticəsində 181 sərnişin və 8 ekipaj üzvü həlak olmuşdu.

“Efiopiya Hava Yolları” baş verən qəzadan sonra bu tip təyyarələrin uçuşlarını dayandırıb.

Çin, İndoneziya, Böyük Britaniya, Vyetnam, Sinqapur, Malayziya, Avstraliya, Oman və Cənubi Koreyanın aviasiya orqanları da belə bir qərar qəbul ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.