İDMAN


Boksun Olimpiya Oyunlarının proqramında saxlanılması ilə bağlı Beynəlxalq Olimpiya Komitəsinə məktub ünvanlanıb

Bakı, 23 fevral, AZƏRTAC

Rusiya boksçuları idmanın bu növünün Olimpiya Oyunlarının proqramında saxlanılması ilə bağlı Beynəlxalq Olimpiya Komitəsinə (BOK) məktub ünvanlayıblar.

AZƏRTAC TASS informasiya agentliyinə istinadla xəbər verir ki, bu barədə Rusiya Boks Federasiyasının baş katibi Umar Kremlyev jurnalistlərə bildirib.

“Biz BOK-un komissiyasına müraciət etdik. Ali idman qurumuna Olimpiya çempionlarının imzası ilə məktub göndərdik. Beynəlxalq Boks Federasiyası (AIBA) BOK-un bütün suallarını cavablandırıb. İndi biz şəffaf sistemdə və sıx əməkdaşlıq şəraitində çalışmalıyıq”, - deyə U. Kremlyev deyib.

U.Kremlyev Avropa Boks Konfederasiyasının (EUBC) vitse-prezidentidir, eyni zamanda AIBA İcraiyyə Komitəsinin üzvüdür.

Bundan əvvəl BOK AIBA-nın istintaqının tamamlanmasınadək Tokio Olimpiadasında boks turnirinin keçirilməsi planını “dondurub”. BOK, həmçinin bu federasiyanın maliyyələşdirilməsi, bilet satışı, təsnifat sisteminin təsdiqi və tətbiqi, test tədbirləri və yarışların yekun qrafikinin hazırlanması üzrə prosesləri dayandırıb. AIBA-ya Olimpiya obyektləri, rəmzləri və reklam materiallarından istifadə etmək də qadağan olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.