SİYASƏT
Bölgələrdə fəaliyyət göstərən QHT-lərin fəaliyyəti yüksək qiymətləndirilib
AZƏRTAC xəbər verir ki, görüşdə mərkəzin fəaliyyəti və mövcud şəraiti ilə tanışlıqdan sonra ikitərəfli müzakirələr aparılıb.
Qəbələ Regional QHT-lərin Resurs və Təlim Mərkəzinin direktoru Qalib Nəbiyev qurumun əhatə etdiyi rayonlar, həyata keçirilən layihələr, regionda fəaliyyət göstərən QHT-lərlə aparılan informasiya mübadiləsi haqqında məlumat verib. O, ABŞ səfirliyinin ölkədə fəaliyyət göstərən QHT-lərlə əməkdaşlığından məmnun olduğunu vurğulayıb.
ABŞ-ın Azərbaycandakı səfirliyinin müvəqqəti işlər vəkili Derek Hoqan qonaqpərvərliyə görə təşəkkür edib və regionda fəaliyyət göstərən QHT-lərin Resurs və Təlim Mərkəzinin işini əhəmiyyətli saydığını söyləyib. O, vətəndaş cəmiyyəti institutlarının regionun inkişafında rolunun böyük olduğunu diqqətə çatdırıb.
Görüşdə əməkdaşlığın perspektivləri istiqamətində müzakirələr aparılıb.