CƏMİYYƏT


Bolqarıstan Avropa İttifaqında enerjinin alınması məqsədilə tullantıların yandırılması göstəricisinə görə sonuncu yerlərdədir

Sofiya, 17 sentyabr, AZƏRTAC

Bolqarıstan Avropa İttifaqı (Aİ) ölkələri arasında enerjinin alınması məqsədi ilə tullantıların yandırılması göstəricisinə görə, sonuncu yerlərdədir.

AZƏRTAC xəbər verir ki, bu barədə parlamentdə Ekologiya naziri Neno Dimov bildirib. O qeyd edib ki, Bolqarıstanda enerji almaq məqsədilə yalnız 3,34 faiz tullantı yandırılır, halbuki Aİ-də bu göstərici 28,1 faizə bərabərdir. Eyni zamanda nazir qeyd edib ki, Bolqarıstan 823 781 min ton tullantı ixrac edib və 85 min ton idxal edir. Ölkənin ixrac etdiyi tullantılar pestisidlər, civə və sayrılardır ki, bunların da Bolqarıstanda emal imkanları mövcud deyil.

Qeyd edək ki, Bolqarıstan yandırmaq üçün istifadə olunan RDF tullantıların idxalına məhdudiyyət qoyan yeganə Aİ ölkəsidir. Məqsəd yerli RDF tullantıların istifadəsini stimullaşdırmaqdır.

 

İqbal Hacıyev

AZƏRTAC-ın xüsusi müxbiri

Sofiya

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.