MƏDƏNİYYƏT


Bolqarıstan Milli Televiziyasında Azərbaycan milli mətbəxinin nümunələri təbliğ olunur

Bakı, 15 oktyabr, AZƏRTAC

Azərbaycan Respublikasının müstəqilliyinin bərpasının 30-cu ildönümü ilə əlaqədar ölkəmizin Bolqarıstandakı səfirliyinin və Bakı Slavyan Universitetinin Sofiya Universitetinin nəzdində fəaliyyət göstərən Azərbaycan Dili və Mədəniyyəti Mərkəzinin birgə təşkilatçılığı ilə Bolqarıstan Milli Televiziyasında cari ilin oktyabr ayında Azərbaycanın milli mətbəxini tərənnüm edən silsilə verilişlər yayımlanacaq.

Səfirlikdən AZƏRTAC-a bildirilib ki, oktyabrın 15-də yayımlanan ilk verilişdə Azərbaycan milli mətbəxinin şah yeməyi sayılan şah-plovun hazırlanma qaydası nümayiş olunub və bu yemək barəsində izləyicilərə ətraflı məlumat verilib. Verilişdə qeyd olunub ki, Azərbaycanda plovun 200-dən artıq növü var və ölkənin müxtəlif bölgələrində bu ləzzətli plov özünəməxsus qaydada bişirilir. Bu baxımdan Qarabağ plovu xüsusilə seçilir. Bildirilib ki, plov bir çox ölkələrin milli mətbəxinə daxil olsa da, onun ən mükəmməl və çoxsaylı növləri məhz Azərbaycanda bişirilir.

Qeyd edək ki, oktyabr ayının sonunadək Bolqarıstan Milli Televiziyasında yayımlanacaq silsilə verilişlərdə Qarabağ, Gəncə, Bakı və digər bölgələrimizin mətbəxlərinə dair ləziz təamlar təqdim olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.