DÜNYA


Bolqarıstan koronavirusla əlaqədar buzüstü xokkey üzrə yarışlara ev sahibliyindən imtina edib

Sofiya, 27 fevral, AZƏRTAC

Bolqarıstanın Buzüstü Xokkey Federasiyası 18 yaşadək idmançılar arasında dünya çempionatının birinci divizionunun B qrupunun görüşlərinə ev sahibliyi etməkdən koronavirus təhlükəsi ilə əlaqədar imtina edib.

AZƏRTAC xəbər verir ki, bu barədə “Monitor” qəzeti xəbər verib.

Çempionatının birinci divizionunun B qrupunun görüşlərinin martın 23-29-da Sofiyada keçirilməsi planlaşdırılırdı. Təşkilatçılar Bolqarıstanda koronavirusla əlaqədar yaradılan qərargahın tövsiyələrini nəzərə alaraq belə bir qərar ediblər.

B qrupunda Avstraliya, Xorvatiya, Niderland, İspaniya, Bolqarıstan və Çin milliləri yer alıblar. Proqrama əsasən bu qrupun oyunları fevral-mart aylarında Çində təşkil edilməli olsa da, koronavirus səbəbindən Bolqarıstana keçirilmişdi.

 

İqbal Hacıyev

AZƏRTAC-ın xüsusi müxbiri

Sofiya

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.