DÜNYA


Bolqarıstanda hər il 50 min nəfər öz ölkəsini tərk edir

Sofiya, 12 fevral, AZƏRTAC

Hər il 50 minədək bolqar öz vətənini tərk edərək digər ölkələrə üz tuturlar.

Bu barədə “Podkrepa” Əmək Konfederasiyasının sədri Konstantin Trençev təşkilatın 10-cu konqresində bildirib.

O deyib ki, Bolqarıstanda doğum sayı 1995-ci ildəki 175 mindən 2018-ci ildə 65 min nəfərə enib. Hər il 110 min nəfər Bolqarıstan vətəndaşı vəfat edir. BMT-nin məlumatına əsasən, Bolqarıstan əhalisi 7 milyon nəfərdən azdır. Ölkənin hər üçüncü vətəndaşı hesabların ödənilməsində çətinlik çəkir.

Avrostatın məlumatına əsasən 2070-ci ildə Bolqarıstanın əhalisi 4,9 milyon nəfərədək azalacaq. Bunun əsas səbəbləri kimi miqrasiya, yüksək ölüm və aşağı doğum səviyyəsi göstərilir.

İqbal Hacıyev

AZƏRTAC-ın xüsusi müxbiri

Sofiya

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.