DÜNYA


Boris Conson Böyük Britaniyanın Baş Naziri olub

Bakı, 23 iyul, AZƏRTAC

Böyük Britaniyanın sabiq xarici işlər naziri Boris Jonson iyulun 23-də Mühafizəkarlar Partiyasının sədri seçilib. İyulun 24-də ona Kraliça II Elizabet tərəfindən hökuməti qurmaq səlahiyyəti veriləcək.

AZƏRTAC BBC telekanalının saytına istinadla xəbər verir ki, Tereza Meyin istefasından sonra Mühafizəkarlar Partiyasında liderliyə namizədlər arasında Boris Consonun adı birinci çəkilirdi. O, keçirilən səsvermə zamanı rəqibi Ceremi Hantı üstələyərək 46, 656 səsə qarşı 92,153 səslə qalib gəlib. Sabah Bukingem sarayında Baş Nazir səlahiyyətlərini aldıqdan sonra yeni hökumət başçısı kabinetini formalaşdıracaq.

Yeni Baş Nazir öz ölkəsinin oktyabrın 31-də hətta razılaşma olmadan da Avropa İttifaqını tərk edəcəyini bəyan edib. Hazırkı nazirlərin bir neçəsi onun seçiləcəyi təqdirdə kabineti tək edəcəklərini bəyan edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.