DÜNYA


Bosniya və Herseqovina Pakistan əsilli miqrantları ölkələrinə geri göndərməyə başlayıb

Sarayevo, 2 avqust, AZƏRTAC

Bosniya və Herseqovina Pakistandan olan qeyri-qanuni mühacirləri geri göndərməyə başlayıb.

AZƏRTAC xəbər verir ki, 2020-ci ilin noyabrında iki ölkə arasında imzalanmış müqavilə çərçivəsində Bosniya və Herseqovinaya qeyri-qanuni yollarla gələn Pakistan vətəndaşlarının ilk qrupu ölkədən göndərilib. Bosniya və Herseqovina Müdafiə Nazirliyi Pakistandan olan immiqrantların qrup halında ölkələrinə göndərilməsinin davam etdiriləcəyini açıqlayıb.

Nazirliyin məlumatına görə, bu ilin yanvar-aprel aylarını əhatə edən dövrdə Bosniya və Herseqovinada ümumilikdə 3865 qaçqın qeydiyyata alınıb. Onların 76 faizi Pakistan, Əfqanıstan və Banqladeşdən gəlib.

Bosniya və Herseqovina Sərhəd Polisi isə ilin ilk 4 ayında ümumilikdə 1433 nəfərin Bosniya və Herseqovina ərazisinə qeyri-qanuni yollarla daxil olmağa cəhd etdiyini açıqlayıb. Ötən ilin eyni dövrü ilə müqayisədə miqrantların sayında 32 faiz azalma müşahidə olunub.

Nihad Budaqov

AZƏRTAC-ın xüsusi müxbiri

Sarayevo 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.