DÜNYA


Bosniya və Herseqovina təhlükəsizlik baxımından regionda sonuncu yerdədir

Sarayevo, 13 avqust, AZƏRTAC

“Qlobal Sülh İndeksi”nə görə, Bosniya və Herseqovina həyat və səyahət üçün ən təhlükəsiz ölkələr sırasında 58-ci yerdə qərarlaşıb.

AZƏRTAC xəbər verir ki, Bosniya və Herseqovina təhlükəsizlik baxımından Qərbi Balkan regionunda isə sonuncu yerdədir. Bunun səbəbləri kimi siyasi qeyri-sabitlik, ölkə daxilində mübahisələrin çoxluğu və qonşu ölkələrlə münasibətlər göstərilib.

Qərbi Balkan regionundakı digər ölkələrdən Monteneqro siyahıda 48-ci və Serbiya isə 52-ci sırada qərarlaşıb.

Qeyd edək ki, “Qlobal Sülh İndeksi”ndə dünyanın 163 ölkəsinin siyasi sabitlik, qonşu ölkələrlə münasibətləri, daxili və xarici münaqişələr, cinayətkarlıq səviyyəsi və qaçqınların sayına görə reytinqi dərc olunur.

Nihad Budaqov

AZƏRTAC-ın xüsusi müxbiri

Sarayevo

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.