DÜNYA


Bosniya və Herseqovinada katoliklərin sayı iki dəfə azalıb

Sarayevo, 11 may, AZƏRTAC

Bosniya və Herseqovinada katoliklərin sayının iki dəfə azaldığı bildirilib.

AZƏRTAC xəbər verir ki, Bosniya və Herseqovina Yepiskoplar Konfransının üzvlərinin yaydığı məlumata görə, ölkədə əksəriyyəti xorvatlar olan katoliklərin sayının azaldığı və hazırda onların sayının 350 min civarında olduğu qeyd edilib. Bildirilib ki, Bosniya müharibəsindən əvvəl katoliklərin sayı 760 min nəfər olub. Son 30 ildə xorvatlar da daxil olmaqla, katoliklərin yarısından çoxu və ya təxminən 54,6 faizi ölkədən gedib. 1991-ci ildə 220 minədək katolikin olduğu Serb Respublikasında vəziyyət xüsusilə mürəkkəbdir. Belə ki, hazırda onların sayı cəmi 15 min nəfərdir. Son siyahıyaalmaya görə, Bosniya və Herseqovina Federasiyasında isə xorvatların yalnız 22,4 faizi yaşayır.

Mütəxəssislər bunun çətin müharibə şəraiti, mənfi demoqrafik tendensiya, miqrasiya və siyasi problemlərin nəticəsi olduğunu bildirirlər.

Nihad Budaqov

AZƏRTAC-ın xüsusi müxbiri

Sarayevo

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.