DÜNYA


Bosniya və Herseqovinada müsəlmanlar və katoliklər nümunəvi davranışları ilə fərqləniblər

Sarayevo, 14 avqust, AZƏRTAC

Bosniya və Herseqovinada müsəlman bosniyalılar və katolik xorvatlar nümunəvi davranışları ilə fərqləniblər.

AZƏRTAC xəbər verir ki, ölkənin cənub-qərbindəki Tomislavqrad şəhəri yaxınlığında məscidin tikintisini müsəlmanlar və katoliklər birgə maliyyələşdiriblər. İnşası 2020-ci ildə tamamlan məscidin açılışı koronavirus epidemiyası səbəbindən təxirə salınmışdı.

Nümunəvi davranış ilə fərqlənən müxtəlif dinin mənsubları daha əvvəl isə bölgədəki katolik kilsəsinin tikintisini birgə həyata keçiriblər.

İnsanların bu nümunəvi davranışının bosniyalı və xorvat siyasətçilər arasında gərginliyin son həddə çatdığı bir vaxta təsadüf etməsi ölkədə alqışla qarşılanıb.

Qeyd edək ki, Bosniya müharibəsi zamanı ittifaq quran və ölkəni birlikdə müdafiə edən bosniyalılarla xorvat siyasətçilər arasında münasibətlər seçki qanunu islahatı ilə bağlı ziddiyyətlər səbəbindən hazırda pis səviyyədədir.

 
Nihad Budaqov

AZƏRTAC-ın xüsusi müxbiri

Sarayevo

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.