İDMAN


Bosniya və Herseqovinanın kişi paravoleybolçulardan ibarət komandası Avropa çempionu olub

Sarayevo, 23 oktyabr, AZƏRTAC

Bosniya və Herseqovinanın kişi paravoleybolçulardan ibarət milli komandası 10-cu dəfə Avropa çempionu olub.

AZƏRTAC xəbər verir ki, Antalyada keçirilən Avropa çempionatının final matçında Bosniya və Herseqovina ilə Rusiya milli komandaları qarşılaşıb. Setlərdə rəqibindən 25:17, 28:26 və 27:25 hesabı ilə üstün olan Bosniya və Herseqovina komandası oyundan 3-0 qalib ayrılıb.

Qeyd edək ki, sonuncu dəfə 2015-ci ildə Avropa çempionu olan Bosniya və Herseqovina millisi 1999-2015-ci illərdə isə ardıcıl 9 dəfə turnirdən qalib ayrılıb. Son iki çempionatı isə Rusiya komandası qazanıb.

Bosniya və Herseqovina millisi indiyədək Avropa çempionatlarında 10 qızıl, bir gümüş və 2 bürünc medala yiyələnib.

Nihad Budaqov

AZƏRTAC-ın xüsusi müxbiri

Sarayevo

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.