DÜNYA


Böyük Britaniya Finlandiyanın təhlükəsizliyinə zəmanət verən pakt imzalayıb

Stokholm, 12 may, Rauf Əliyev, AZƏRTAC

Böyük Britaniyanın Baş naziri Boris Conson və Finlandiyanın Prezidenti Sauli Niinistö ənənəvi və hibrid təhdidlərə qarşı birgə mübarizə paktını imzalayıblar.

AZƏRTAC xəbər verir ki, pakt Britaniya hökuməti başçısının İsveç paytaxtına və ardınca Helsinkiyə səfərləri çərçivəsində imzalanıb. Təhlükəsizlik məsələləri ilə yanaşı, saziş həm də enerji təhlükəsizliyi sahəsində əməkdaşlığı da nəzərdə tutur.

Daha əvvəl oxşar sazişi İsveç hökumətinin başçısı Maqdalena Andersson ilə imzalayan Boris Conson, bununla ölkəsinin ənənəvi və hibrid təhlükələr qarşısında İsveç və Finlandiya ilə çiyin-çiyinə dayanacağını ifadə edib.

Böyük Britaniyanın Baş naziri Finlandiyanın öz gələcəyi ilə bağlı qorxu və xarici təsir olmadan qərar vermək suveren hüququna güclü dəstəyini də bildirib. Onun sözlərinə görə, Böyük Britaniya bu ölkəyə hücum olduğu halda, Finlandiyaya hərbi dəstək də daxil olmaqla, yardım göstərəcək.

Öz növbəsində Finlandiyanın Prezidenti Sauli Niinistö bildirib ki, onun ölkəsi hələlik hökumətlərarası hərbi ittifaq olan NATO-ya üzvlük ilə bağlı qərar verməyib. Lakin bu saziş ilə ölkənin təhlükəsizliyi daha yaxşı şəkildə təmin ediləcəkdir.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.