DÜNYA


Böyük Britaniya hökuməti peyvənd pasportu tətbiqini təxirə salıb

London, 13 sentyabr, AZƏRTAC

Böyük Britaniya hökuməti peyvənd pasportu tətbiqini təxirə salıb.

AZƏRTAC xəbər verir ki, səhiyyə naziri Səcid Cavid bu ayın sonundan etibarən tətbiq olunması gözlənilən planı geri çəkdiklərini açıqlayıb.

S.Cavid, PCR test tələbinin də ən qısa müddətdə ləğv olunmasını istədiyini bildirib.

Şotlandiya hakimiyyəti isə oktyabrın 1-dən etibarən bu sənədi məcburi edəcəklərini elan edib.

Bu plana əsasən, klublara və izdihamlı yerlərə girərkən iki doza peyvənd vurulduğunu göstərən pasportun təqdim olunması tələb olunur. Peyvənd olunmayan şəxslərə isə bu məkanlara keçid qadağan edilir.

Qeyd edək ki, Baş nazir Boris Conson, sosial məsafə qaydalarına qoyulan məhdudiyyətlərin tamamilə ləğv edildiyi gün - iyulun 19-da ölkədə peyvənd pasportunun tətbiq olunacağını açıqlamışdı.

Aynurə Tağıyeva

AZƏRTAC-ın xüsusi müxbiri

London

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.