İQTİSADİYYAT


Böyük Britaniya şirkəti Sumqayıt Kimya Sənaye Parkı ilə əməkdaşlıq edəcək

Bakı, 24 aprel, AZƏRTAC 

Böyük Britaniyanın “Johnson Matthe” şirkətinin nümayəndələri “Sumqayıt Kimya Sənaye Parkı” (SKSP) MMC-nin ofisində olub, əməkdaşlıq imkanlarını müzakirə ediblər.

SKSP-dən AZƏRTAC-a bildiriblər ki, qonaqlara rezidentlər üçün müəyyənləşdirilmiş güzəştlər barədə ətraflı məlumat verilib, Sənaye Parkının gələcək perspektivlərini özündə əks etdirən 3D formatlı video çarx təqdim olunub.

Sonra “Johnson Matthe” şirkəti tərəfindən təqdimat keçirilib, kimya sənayesində aparıcı texnologiyalarla təminat mövzusunda müzakirələr aparılıb.

Qeyd edək ki, “Johnson Matthe” şirkəti neft-kimya sənayesi, orqanik kimya, qiymətli metalların və tullantıların emalı üzrə texnologiyaların hazırlanması və təchizatını həyata keçirir. Hazırda şirkətin dünyanın 30 ölkəsində təmsilçiliyi fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.