DÜNYA


Böyük Britaniyada 50 mindən çox işçinin iştirak etdiyi dəmiryolu tətili başlayıb

London, 1 oktyabr, AZƏRTAC

Böyük Britaniyada 50 mindən çox işçinin iştirak etdiyi dəmiryolu tətili başlayıb.

AZƏRTAC xəbər verir ki, tətil nəqliyyatı iflic edib. Bugünkü tətil bu ilin ən böyük tətili kimi qeydə alınıb. 4 həmkarlar ittifaqının üzvləri maaş və iş şəraiti ilə bağlı uzun müddət davam edən mübahisə fonunda tətil keçirməyə qərar verib. Bu tətilə görə qatar xidmətlərinin yalnız 11 faizi işləyir və Böyük Britaniyanın əhəmiyyətli bir hissəsinə xidmət göstərilmir.

Digər tərəfdən işçilər oktyabrın 5 və 8-də yeni dəmir yolu tətilləri keçirməyi planlayır.

Qeyd edək ki, bu ilin iyun ayında Britaniyanın dəmiryolu işçiləri son 30 ilin ən böyük tətilini etmişdilər. Tətilə 40 min nəfərdən çox işçi qatılmışdı.

 
Aynurə Tağıyeva
AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.