Böyük Britaniyada COVID-19 simptomlarının siyahısı genişləndirilib

London, 7 aprel, AZƏRTAC

Böyük Britaniyada COVID-19 simptomlarının siyahısı genişləndirilib.

AZƏRTAC xəbər verir ki, Britaniya Sağlamlıq Təhlükəsizliyi Agentliyi yaratdığı siyahıya 9 yeni simptom əlavə edib. Yeni göstəricilərə boğaz ağrısı, əzələ ağrısı və qusma kimi simptomlar daxildir. Milli Səhiyyə Xidməti yeni simptomların qrip və soyuqdəymə simptomlarına çox oxşar olduğu barədə xəbərdarlıq edib. Digər ölkələrin, o cümlədən Ümumdünya Səhiyyə Təşkilatı və ABŞ-ın daha geniş simptom siyahısı var.

Həmçinin Krallıqda virusa yoluxma rekord səviyyəyə qalxıb. Ötən həftə 4,9 milyon insanın koronavirus testi müsbət çıxıb. Bu o deməkdir ki, ölkədə hər 13 nəfərdən biri koronavirsa yoluxub.

Qeyd edək ki, Britaniyada koronavirus infeksiyası əlamətlərinin orijinal siyahısına əvvəllər yüksək temperatur, davamlı öskürək, dad və qoxu itkisi daxil idi.

Aynurə Tağıyeva

AZƏRTAC-ın xüsusi müxbiri

London